Nagaland State Bharat Scouts & Guides workshop ka agi

Kohima, December 20 (TYO): Nagaland State Bharat Scouts and Guides-i ayongzüka December 16, 2017 nü State Headquarters, Bayavü Hill, Kohima nung SURF SMART workshop ka agiogo.
Iba sentong nung tongti tesemdangerji State Secretary, BSG Nagaland State, Wt. Chubanungla liasü aser sentong lenirji Wt. Vimezhonu Tetso, SOC (G) liasü. Sentong nungsa John Tochimong SOC (S) aser taoba SOC(S), Kholie Dolf nata aden.
Iba workshop ya Surf Smart State Trainer, Kekhrieselhou Theünuo leniba nung agi.
National Institute of Electronic Learning & Information Technology (NIELIT) nungi shisalen sayur A. Morimenba Amer (Deputy Director & Scientist) aser Zedikuolie Kire (Asst. Engineer) nati Cyber Crimes aser iba dak sendakba onüktem nung tesayuba agüja liasü.
Iba workshop nungsa Bharat Scouts & Guides, N. E Region nungi Ch. Birendra Kumar-a shisalen sayur ka aser observer ka ama aden.
Iba training nung Unit Leaders, Senior Scouts & Guides, Rover & Rangers 131 den staff 4 shilem agia aden.