Nagaland State BJP-i asür M.M Nath mang ayimer

Dimapur, August 30 (TYO) : State BJP Executive Member, M.M Nath mapang tatsüka shirangaba sülen August 29, 2015 nü Guwahati Hospital nung ajungbena iba lima toktsür aoba atema sasar, Nagaland State BJP sangdong ka nung metetdaktsü.
Asür M M Nath ya BJP lennir tejen ka liasü aser pai telok atema menden balala nung mapa inyakogo. Pai ajungbena iba akümli toktsür aobaji party atema dang masü saka lokti atema takoksa lir, ta General Secretary & Spokesperson, BJP Nagaland State, K. James Vizo-i sangdong nung shia lir.
State BJP-i tasür tanela teti atema anisüngzük angutsü sarasademtsür aser par kibong den asüku lemsateper, ta James Vizo-isa sangdong nung shia lir.