Nagaland State BJP-i Farooq Khan pelashishia agizüker

CAPTION : Dimapur airport nung State BJP aser BJYM telok den Farooq Khan (abelen nnungi pezübuba) nungertem agiba noksa angur. (Dimapur, August 26)

 Dimapur, August 26 (TYO) : Nagaland State BJP unit aser State BJYM teloki State in-charge (Prabhari) Farooq Khan pela agizüker ta BJP Nagaland General secretary & Spokesman, K. James Vizo-i tanü sangdong ka nung metetdaktsü.

Farooq Khan tanü Dimapur tonga aru aser pa anogo ananü state level training nung adentsü. August 27-28, 2015 nung Dimapur Party head office nung training agitsü, ta K. James Vizo-isa sangdong nung shia lir.

Farooq Khan lenisüba kübok Nagaland nung BJP akangshitsü imlar. Pa ya Nagaland State BJP in-charge dang masü saka national level nunga BJP Minority in-charge lir. Farooq ya taoba mapang Jammur & Kashmir nung Inspector General of Police (IGP) inyakba IPS ketdangser ka lir aser President’s medal aika nguogo, ta sangdong nungsa shia lir.

Iba Training programme nung züngsem ajak arua shilem agitsü mepishir aser osang tejangja metetnürtemi Office Secretary Lachit den tongteprateptsü akok, ta James-isa ashi.