Nagaland State (BJP) unit-i AR dang metetdaktsür

Dimapur, November 20 (TYO) : Assam Rifles (AR)-i Nagaland nung media dang tetuyuba agütsüba sülen lokti nung nübortemi ola adokba atema Nagaland State (BJP) unit khuret süa bilemer, ta Media Cell (BJP) Nagaland-i sangdong ka nung metetdaktsü.

Civic action program kübok Assam Rifles-i mapa tajung inyakba aser ano Osangkakettemi lokti ajungkettsü atema mapa inyakba atema telok anaprong nem BJP Nagaland-i tenüngsang agütsür.

Ajisüaka, Assam Rifles-i Linük Temzüng den putepa maparen azüoka inyaktsüla. India Linük Temzüngji asen lima nung ozüng tematiba lir, anungji iba ozüng kübok para military, press media aser Central mesüra State sorkari pei lemzükba shilem timi inyaktsüla, ta BJP Nagaland-isa metetdaktsü.

Press media ajanga osangtsüsang prokshibaji AR densema loktii pelashishia agizüktsüla, anungji AR-i aibelena inyakbaji metongshitsü nüngdak, ta BJP Nagaland-isa sangdong nung shia lir