Nagaland State Co-Operative Bank-i ATM service tenzükogo

Dimapur, September 25 (TYO) : Nagaland State Co-Operative Bank-i September 23, 2016 nü Head Office Complex Branch, Dimapur nung ATM service tenzükogo.
Principal Secretary & Finance Commissioner, Nagaland aser NStCB Chairman, Temjen Toy IAS-i ATM lapokja liasü.
Nagaland state kübok tesem balala nung ATM 11 amenokba rongnung Head Office Complex nung lapokba dena lir.
Sentong nung o jembidang Temjen Toy-i ATM service tenzükba atema tenüngsang agütsü aser NStCB-i tanga Bank tem den tokteptsü atema ayongzük.
“NStCB-ia tanga Bank tem den tokteptsü atema technology dak sendakba maparen ajungkettsü aser aser maneni iba asoshi sentong aika inyaktsü renema lir. Talisa, NStCB nung customer service tajungba kümdaktsütsü” ta paisa ashi.
NStCB Managing Director, Imtilemba Longkumer-ia o tatsüka jembidang, tamasa Chairman, Board of Directors, customers aser public tem pela agizük aser paisa ashiba agi NStCB indang ATM tem nung tanga Bank indang ATM card tema agizüktsü.
Iba sentong nung Rev. Dr. Shiwoto Assumi, Senior Pastor, NCRC (Sumi), Purana Bazar-i temoatsü meshia sarasadem aser Secretary Cooperation, Nagaland, Lithrongla G. Chishi, IAS, Cooperative Societies, Nagaland nung Registrar, Velasa Nakro, General Manager, NABARD, RO Nagaland, Asoke Chakraborty, NStCB Vice Chairman, K. Lea aser Board of Directors ajak aden.