Nagaland state nung Revised PMUY scheme tenzükogo

Dimapur, January 3 (TYO): 2017 küm May 31 nü Nagaland state atema tenzükba Pradhan Mantri Ujjwala Yojana (PMUY) revise süa nüburtem tajangzük ngudaktsüsü atema maparen tenzükogo.
Iba scheme kübok sensaker kibongtem nem angati LPG gas connection agitsüba shia sorkari state meyong fuel retailers nem sen 1600 agutsür. Iba subsidy nükjidong ya cylinder atema security fee aser fitting charges magitsü asoshi lir. Socio economic caste (SEC) data nung ajemdaker tang tashi nung state nung LPG connections 40,000 agitsüogo.
Ajisüaka SEC nung data meshidakba ajanga iba scheme coverage melungsüa magitet.
Iba scheme agi junga ayimjemtsü atema sorkari iba scheme revise süogo; Pro Priority House Holds (PHH) aser Antyodya Anna Yojana (AAY) den Aadhaar nung ajemdaker iba tajangzük angutsü, ta State Level Coordinator of Oil Marketing Company, (IOC), N Kashung-i metetdaktsü.
Iba scheme ajanga Dimapur nung shilem 120 ayimjemogo, Kohima nung 116%, Kiphire 19%, Longleng-21%, Mokokchung-68%, Mon-2-%, Peren-22%, Phek-18 %, Tuensang-23%, Wokha-30% aser Zunheboto shilem 36 ayimjemogo. Tesem ka nungi kati oa aliba ajanga district kar nungbo ibaji timba asusü, ta pai metetdaktsü.
Paisa, Nagaland state atema distribution centre tasen 8 tenzüktsüogo, ta metetdaktsü.
2016 küm May 1 nü Uttar Pradesh nung Ato kilobser, Narendra Modi-i Pradhan Mantri Ujjwala Yojana (PMUY) scheme ya tenzükja liasü, aser iba scheme ajanga 2018 December 31 anogo tashi nung angati cooking gas (LPG) connection crore 6 agitsüogo. 2019 küm March ita tashi nung angati cooking gas (LPG) connection crore 5 agitsütsü sorkari alizüng yua liasü, aser tangbo sorkari 2021 küm tashi nung angati LPG connection crore 8 agitsütsü alizüng yuogo, ta ketdangserisa metetdaktsü.