Nagaland team-i Manipur kokogo

Dimapur, Mongputeni/October 17 (TYO): Vijay Hazare Senior Mens Trophy tang Deradhun nung asayadaki aser Brehostibarnü Nagaland aser Manipur na asaya Nagaland team-i run 5 agi kokogo.
Asaya nung Manipur team-i toss akok aser mezüng field asütsü shim.
Mezüng bat asütsü maongka anguba sülen Nagaland team-i over 48.2 nung asayar ajak out ser run 240 yanglua liasü.
Parnok rongnungi Yogesh-i run 90, Temjentoshi-i run 39, Stuart Binny-i run 61 aser Jonathan rongsen-i run 27 yanglua liasü.
Manipur pur asoshi Bishworjit-i wicket 7 agi aser Rajkumar Rex aser Thomas nati wicket kaka agia liasü.
Tanabuba inning nung Manipur team bat asüba mapang parnoki Over 50 nung wicket 8 out ser run 235 dang yangluteta Nagaland team-i yanglur aliba run memenep.
Parnok rongnungi Muhammad Bashid-i run 100, Ngariyanbam Singh-i run 50, Priyojit Singh-i run 30 aser Pukhrambam Singh-i run 25 yanglua laisü.
Nagaland team asoshi Stuart Binny-i wicket 2, Srikanth-i 2, Imliwati-i 2 aser Tahmeed-i wicket 1 agia liasü.
2019-20 season atema Vijay Hazare One day tournament Plate Group nung Nagaland team-i asaya 4 akok, asaya ana makok aser asaya asem draw nung tembangogo. Plate Group nung Nagaland team-i point 22 nguteta jenjang 4buba nung tembangogo aser NE team tem rongnungi parnok temaba jenjang nung asayamung tembanga liasü.