Nagaland team-i Uttarakhand makok

Dimapur, Mongputeni/October 8 (TYO): Tang tasayadak Vijay Hazare asayamung nung Uttarakhand team-i Nagaland team madak takok nguogo.
Toss akokba sülen Nagaland team-i mezüng bat asütsü shim. Parnoki over 44.5 nung wicket ajak out sür run 174 yanglua liasü.
Nagaland team nungi Stuart Binny-i run 107, Aosashi-i run 15 aser Tahmeed-i run 11 yanglua liasü.
Uttarakhand bowler tem rongnungi D K Sharma-i wicket 2, Sahil-i 2, Ashish-i 2 aser D Negi-ia wicket 2 agia liasü.
Asaya tanabuba shilem nung Uttarakhand team-i over 36.2 nung wicket 3 out sür run 176 yanglua Nagaland team-i yanglur aliba run menep.
Parnok rongnungi Avneesh Sudha-i run 77 aser Tanmay Srivastava-i run 54 yanglua liasü.
Nagaland bowler tem rongnungi SS Mundhe-i wicket 2 aser Tahmeed-i wicket 1 agia liasü.
Iba asaya Uttarakhand-i wicket 7 agi koka liasü.