Nagaland teloki Inter-State T20 takok marok agizüker

NCA nung General Secretary, V. Abu Metha aser asaya ketdangsertemi champion telok, Nagaland Team den agiba arok noksa ka yangi angur. (Dimapur, December 09)

Dimapur, January 09 (TYO): Nagaland teloki Mizoram telok madak final asaya nung takok ngua Inter-State Twenty20 (T20) asayamong takok marok tanü Honibar nü agizükogo.
Nagaland teloki tanü runs 79 agi Mizoram telok madak takok ngua takok marokji agizük.
NCA nung General Secretary, V. Abu Metha-i takok angur nem kulikaket aser takok marok agüja liasü.
Captain Sedezalie-i aniba Nagaland teloki mezüng batting asü aser par teloki overs 20 nung runs 154 tashi yanglu.
Sedezalie, Imliwati, Imomenba, Puchu aser Guateng nungeri runs 69, 30, 11, 11 aser 14 yangluba den külemi, Jonathan, Ramkrishna aser Lalmawia nungeri Nagaland asoshi wicket kaka agia liasü.
Tesülen, Mizoram teloki batting asütsü tenzük aser Sahdev Singh, Tulanga aser Bobby nungeri runs 27, 14 aser 8 yangluba densema par teloki overs 19 nung runs 75 dang yanglutetba yong par teloki tanü tamakok ajurutsüsa aküm.
Almighty Enterprises, New Delhi nungi teyari agia, Nagland Cricket Association (NCA)-i tan asayamong ya ayonga liasü.