Nagaland teloki One Day Tri-Series takok marok nguogo

Tri-Series final asayaba sülen asayartemi asaya ketdangsertem den agiba arok noksa ka yangi angur. (Dimapur, December 22)

Dimapur, December 22 (TYO): Nagaland teloki Under 23 One Day Tri-Series cricket asayamong takok marok tanü Mongolbar nü agizükogo.
Manipur aser Upper Assam telok na den temaba jenjang ngua Nagaland-i tan asayamong takok marok ya agizüker lir.
Nagaland teloki Manipur madak taoba asaya runs 40 agi akokba sülen par teloki maneni runs 52 agi Upper Assam telok madak final asaya koka iba takok marok ya angu.
Tanü final asaya nung Punchu Deb, Sedezahelie, Nagaho, Imtiaz aser Wa Bang nungeri runs 44, 30, 35, 21 aser 24 yangluba densema, par Nagaland teloki overs 47 nung runs 241 yanglu.
Marchand, Raja aser Debojit nungeria runs 46, 51 aser 33 yanglua Nagaland madak takok angutsü merang saka par Upper Assam teloki overs 50 nung runs 189 dang yangluba yong Nagaland-i final asayaji runs 52 agi kokadok.