Nagaland Tensa

–  T. Lima Tzüwar, Ungma Impang,
Artang ward, Mokokchung.

Tamasa iba osang azünger ajak dangi küm tasen salem abener. Temeim asen Aotsür Aortem aser asen Naga nunger nütsüng nübur aser Khristan tajungtem, küm tasen nung ajemoker asünungji nü taküm aser ner kibong meshiteta aser merükteta lir mali. Yi bottle agi yimtsüng aser town ajak nung lenmang aser nalla sünga indoka akaba ya asen Teyanglur Tsüngremi pelatima. Iba wara ya agi ne dak aser ner kibong dak kongshitsü Tsüngremi asen taküm reprangdar ta bilemang.
Temeim asen Aotsür Aortem aser Nagatsür aser Naga nunger Khristan tajungtem aser nütsüng nüburtem, pei-pei mulungjang nung kechi bilemdar mojingi jembir asü Tsüngremi jembir, asüküm tenük merem ngangsangatem jata puta japujari arishitep taitsütep agi sünger aliba Khristan lima ya kodang yanglushitsü aser kodang melenshitsü. Rongsen benbudang Tsüngrem dang nungi pei-ang tuluba kümer kodanga masütsü ama aser kodanga kecha mataloktsü ama kanga merena bilema liaka tasüba tsüngdang aser Tsüngrem tsüngdang shinga mejenbutsü, kechiyong asenoki Tsüngrem jashidaktsü nungji asenok arishi tatsüba tatsüba akümtsü aser sür mulumi kanglangi aitsü.
Temeim Khristan tajungtem asen Naga lima Khristan yimsü arur joko küm 150 ajungtsüba mapang anasatiba arur asünungji Khristan lima ka alitsüsa ajaki merangtsü aser ola atoktsü mapang tongogo. Naga studentemibo asen Naga lima meimer asünung parnokbo ola atokogo. Khristan lima ka Hindu nungertemi amokpanger parnok sünütsü sür tamang yimsü ka tang sür alitsüba mulungjang malitsüla, rongsen kangabo menükshitsüla, kati ka arishitepa tai putepba mekazüi aser tenük meremtepa ashikelaka mekazüi asen Naga lima ajungtsü asoshi nütsüng nübur ajaki pei taso lima asoshi nokdaktsü mapang tongogo.
India lima nung kechi Government arutsü asenoki memetet, saka tanabenbuba nunga BJB aser RSS natisa Government aben nungbo asen Nagaland tena akoksatsü. Hindu nunger agi sünga aliba India lima süaka tamangba yimsü balala amanger kin aika ali nungji parnokisa Government melentsü meranger, anungji Naga lima nung aliba amangbapur ajaki parnok asoshi sarasadema atatsüla. Aser Govt ka sen agi alizüka alitsüdang nungibo election maki sür asen Naga lima meimer ochishir Tsüngrem meteter angateter nisung tasen shimteter yimsü südaktsü nungbo Naga lima renloktsü/ajungtsü. Nagaland nung Khristan noklang nung noklang asünung ochishira aika alitsü anungji itemji shimtsüla.