Nagaland tesem ajaklen NEPEx mock drill takok ngua agiogo

Dimapur, Rongchii 26 (TYO): Nagaland nung aliba district ajunga den külemi Dimapur district nunga DDMA aser stakeholder ajak densema mock drill exercise ya ritcher scale 8.4 jenjang nung agiogo.
Taoba küm NEPEx exercise ya sentong yanglur agi, saka taküm Dimapur nung iba mock drill exercise ya tang tatalokdak yimya nung agi. Iba sentong agitsü asoshi traffic renemshitsü osang balaka mesangdong aser SDRF/rescue team tem nem iba sentong agiba tesem nungaang mapa lemsatsü.
Anepdang 10:00 ako nung siren ola agütsüba den külemi DC Dimapur, Sushil Kumar Patel, IAS-i Dimapur Deputy Commissioner office nung aliba Emergency Operation Centre (EOC) nung ajungben senden ka ayongzüka ketdangsertem den iba mapa lemzüka aliba tesemtem nung inyaktsü atema rasaa ashi aser iba sentong asoshi ADC Dimapur, Sara Jamir ya Incident Commander liasü. Iba mock drill ya ajungben district nung alimar tzü mopung ajanga teraksa lendong balala agütsüba mapang renemshia alitsü atema agiba lir.
Iba exercise tembangba sülen DC conference hall, Dimapur nung sentong ka agidang, iba mock drill ya imlaba dang tajungba liasü, shidakba lendong timtem mapang teyari agütsütsü renemshia ataba sentongbo kanga junga meliasü, ta ADC Dimapur, Sara Jamir-i ashi. Laisa department ajak dang pei department nung aliba osettsüset aser machine tem renemshia ayutsü ajungshi.

Zunheboto : ADC Zunheboto, Vekhoyi Chakesang ketdangsüba kübok Zunheboto nunga iba Mega Mock Drill ya Rongchii/April 26, 2018 anogo agi. Zunheboto district nung iba sentong ya Nagaland Emegrency Preparedness Exercise (NEPEx) kübok Zunheboto District Disaster Management Authority (ZDDMA) ajanga ayongzüka agi.
Iba drill nung shilem agiba department temji Administration, District Planning, RD department, District Agriculture Office, District Welfare Office, Police, Medical, Food & Civil Supplies, NIC, NST, Treasuries & Accounts, Land Records & Survey, Election, Home Guards & Civil Defence, State Disaster Response Force, District Transport Office, DPRO, 111 BSF, 5th Assam Rifles Zunheboto, Fire Services, PHED & PWD(R&B), Project colony youth volunteers, Government Higher Secondary School aser Olympic Higher Secondary School liasü.
Iba sentong nung Operation Section Chief ya Home Guards & Civil Defence nung District Commandant, Khenito Chishi liasü aser Observer Report ya Zunheboto DESO, Lhokiye Yepthomi-i agütsü. Zunheboto jila nung iba drill ya tesem pongu nung agi.

Phek : Phek nung iba mock drill ya Phek Local Ground nung logistic section, planning section, operation section aser incident command post atema emergency operation centre (EOC) ka yanglu.
Phek nung iba mock drill ya Bible Hill Colony Junction, Church junction Bethany-I Colony, Mission Compound Colony, Govt. Hr. Sec. School aser Deputy Commissioner Office compound, Phek nung agi.

Wokha : Wokha district atema iba mock drill sentong ya Mt.Tiyi College Wokha (ki chirepba), Police point (ki chirepba), Little Angle School (Evacuation drill) aser WTC Shopping complex (mi adokba) tesemtem aser yimya nung agi.
Iba drill tenzükba osang agüja anepdang 10:00 ako nung siren ola agütsü aser Community First Responders (CFRs) temi iba osang ya Emergency Operation Centre nung aliba ketdangsertem nem agütsü. Wokha nung iba mock drill nung SDRF team, Fire & Emergency Service department, police, Assam Rifles, medical team, CFRs aser Trainers of Trainees (TOTs) temi shilem agi.
Iba sentong nung shilem agir ajakdang pelar, ta Wokha DDMA mendenpuba aser Deputy Commissioner, Dr. Manazir Jeelani Samoon, IAS-i metetdaktsü.

Longleng : Longleng nung nübu aser oset peria meliaka NEPEx ya St. Joseph School. Phom Lampong School aser Treasury office nung agia liasü.
Longleng nung iba mock drill indang Incident Commander ya ADC Longleng, Temsuwati aser Responsible Officer ya Deputy Commissioner, John Tsulise Sangtam liasü.
Peren : Peren District Disaster Management Authority ajanga Nagaland Emergency Preparedness exercise (NEPEx) takok ngua state ajunga den külemi Rongchii/April 26, 2018 nü agi.
Iba sentong ya district administration ajanga ketdangsüa agi.

Tuensang : Tuensang nunga District Disaster Management Authority, Tuensang ajanga ketdangsüa NEPEx sentong takok ngua agiogo. Iba drill tembangba sülen senden ka EAC (Dev) Tuensang, Tsidi-i ketdangsüa agi aser kasa sentong nung Deputy Commissioner aser DDMA mendenpuba, L. Jamithung Lotha-ia iba mock drill sentong nung shilem agirtem den tepela lemsatep.

Mokokchung : Mokokchung nung aliba Imkongmeren Sports Complex ya Emergency Operation Centre (EOC) süa Mokokchung nung iba kasa NEPEx mock exercise ya Edith Douglas Higher Secondary School, Longkumer Kilem, Alempang Ward aser Post Office Area nung agi.
Iba sentong nung Responsible Officer (RO) ya ADC Mokokchung, W. Manpai Phom liasü aser SDRF, Police, Assam Rifles, students, stakeholders, ward balala nungi volunteers aser sorkar ketdangsertem ajak agi nisung 500 shi iba mock drill nung shilem agi.

Mon : Mon nung NEPEx mock drill sentong ya Government Higher Secondary School, St. Mary School, District Hospital, Lucy’s shopping Complex, Police Church, NST garage, Wangkhao college, DRDA office aser Phomching & Aboi Sub-division nung agi.
Mon nung iba sentong agidang GHSS nungi volunteer 20, St. Mary School nungi 20, KBCM nungi 50 aser Walo, Jahjon, Wagiem aser Tanlao wards nungi nisung 20 Community First Responders liasü.
Iba sentong nung P.Mono ADC ya Responsible Officer, Reny Wilfred (IAS) SDO (C) ya Incident Commander, Lanu Aier, Addl. SP ya Operation Section Chief, Thejakhrienuo SDO (C) ya planning Section Chief, Yanithung N Ngullie EAC ya Logistic Section Chief aser Tsenthungo Ngullie EAC ya Relief Operation Chief ama liasü. Information Officer ya DPRO, Liaison Officer ya DPO DRDA aser Safety Officer ya SP Mon liasü.

Kiphire : Kiphire nunga NEPEx mock drill sentong ya Loyola Hr.Sec.School, District Agriculture office, Kiphire Town council building aser nija ki kar nung takok ngua agi. Kiphire nung iba sentong nung shilem agirtem ya school balala, department tem, Bharat Scout & Guides aser Zisaji Presidency College indang NCC volunteer ajak senteper nisung 200 tashi-i shilem agi.