Nagaland tesem ajunga nung Republic Day mongogo

Dimapur : Minister, Health & Family Welfare, Elections & Parliamentary Affairs, Imkong L. Imchen-i Dimapur nung Aenjeti 26, 2018 anogo 69buba Republic Day parade semdangba noksa nung angur.

Dimapur, Aenjeti 26 (TYO): India linük den külemi Nagaland nunga tesem balala nung Aenjeti 26, 2018 anogo 69buba Republic Day mongogo. Democracy aliba yimden ka nung election ya tongtibang tenüngtakba ka lir, anungji election junga agitettsü mechi political party aser talisa Naga nunger ajungai yimjung nung inyaksangshitsüla, ta DDSC nung Republic Day sentong nung tongti tesemdanger ka ama jembidang, Health & Family Welfare, Election & Parliamentary Affairs Minister, Imkong L Imchen-i ashi. Election duty nung alirtemi iba election agiba mapang nüburtem ajak vote agütsütsü temeden amshitsüsa maparen ajak inyaktsüla, ta pai ajungshi. State nung election tiptema agitettsü mechi Election Commission of India (ECI) ajanga nüngdakbatem anepalua renemshiba mapang ka lir, aser nüburtem teyari aser amalitep ajanga state nung election junga agitsü imlar, ta Election & Parliamentary Affairs Minister ajanga ashisem.
Nagaland nung arogotem, NGO aser lokti tentet balalai Clean Election atema süoki ia inyakba asoshia pai pelaba shisem.
Wokha nung 69buba Republic Day ya Wokha Local Ground nung Minister for Road & Bridges & Political Affairs, Government of Nagaland, G.Kaito Aye tongti tesemdanger süa mungogo.
Wokha nung Republic Day mapang march past telok 7-i shilem agia liasü.
Linük den külemi Tuensang nunga 69buba Republic Day anogomung Parade Ground, Tuensang nung mungogo. Iba sentong nung Minister of National Highways, Government of Nagaland, Y. Vikheho Swu tongti tesemdanger liasü aser DIG (NAP)-i ‘review of parade’ agia liasü. Tuensang nung iba anogomung march pass nung DEF, NAP, VG Kejok Village, VG Hakchang, EX-Servicemen, NCC Higher secondary School, GS Saramati School, GS 3rd NAP, GHSS Thangjam, Pipe Band 3rd NAP aser Pipe Band Hauhyang Chaba telok temi shilem agi.
Iba sentong nung tongti tesemdangeri Kundang Chang AYAH District Hospital Tuensang, S. Cholichem UDA CMO Tuensang, Chillam Khiamniungan ASI SP Office Tuensang, Karannungsang ABC Sp OfficeTuensang, M YAnkiuba Peon DC office Tuensang, Dr. Victor SMO CHC Noklak, Imsujungba SDO (R&B) Noklak, M. Mehri Chang District Election Office Tuensang, W. Chuba Chang UDA District Soil Conservation Office aser P. Ngamen Chang JE PHED Tuensang District nunger nem Commendation Awards agütsü.

Aenjeti 26, 2018 anogo 69buba Republic Day Imkongmeren Sports Complex, Mokokchung nung Nagaland Home Minister, Kuzholuzo tongti tesemdanger liasü.
Phek Headquarter nung 69buba Republic Day anogomung nung tongti tesemdanger Minister for Power, Kipili Sangtam liasü.
Maneni iba anogomung nüngtem nung Social Welfare Department staff aser Phek Chamber of Commerce ajanga Civil Hospital nung shirangertem aser District Jail nung alirtem nem chiyongtsü angadi agütsü.