Nagaland tesem balala nung World Disability Day amung

NAPAD aser Social Welfare Department ajanga World Disability Day cum Pre-Christmas ayongzüka amung

Dimapur, December 3 (TYO) : December 3, 2016 nü Nagaland Parents Association for Disabled (NAPAD) aser Social Welfare Department, Government of Nagaland na yaritepa World Disability Day cum Pre-Christmas ayongzüka amung.
Iba sentong ya Highland Park, below IG Stadium, Kohima nung agi aser tongti tesemdangerji Forest Environment & Climate Change, Minister Dr. Neikiesalie Nicky Kire aser tetushia süa jaokerji, Social Welfare Department Additional Director, Mrs. Keweu Inakhe liasü.
Sentong nung Kohima Bible College Principal, Rev. Zotuo Kiewhuo-i temoatsü meshia sarasadem, Disability Commissioner, Nagaland Dr. Atha Vizol-i tepela o jembi aser state nung matamabensartem indang osang metetdaktsütsü.
NBCC-i November ita nung tasembuba Deobar People with Disability asoshi amungtsü lemtetba atema Dr. Atha Vizol-i NBCC dang pelaba metetdaktsü.
Sentong nung Penta School of Music nungi Master Tejoketho Sothu-i kongki atema aser kenten tetoktepba nung Jo Foundation School-i mezüngbuba jenjang, G Rio School -i tanabuba aser Tabitha Enabling Academy-i tasembuba jenjang takoktem angu.
Sentong nung tetushi süa jaoker Mrs. Keweu Inakhre-i Special Children indang tsüraburtem nem tenüngsang agüja o jembi.
Dr. Nicky Kire-ia o jembidang ashiba agi, World Disability Day ya pa atema tenük lapokba anogo ka lir ta ashi.
Sentong anirji Arepla Advisor NAPAD liasü, Zalekhrülu, Catherine Thong ajanga Sign language shilem agi aser Advisor NAPAD Dr. Joyce Angami-i anküp tepela o jembi aser tanur aika nem NAPAD ajanga Disability Certificate agütsü.
World Disability Day sentong nung yaritepertem.
Dr. Neikiesalie Nicky Kire, Minister, Mr. Merangtsungba Aier, Director, Social Welfare. Kovit Meyase, Administrator, KMC, Vekhosa Commandant 4th NAP, Joseph Hesso SP Kohima, Ahora Khamo, John Sekhose, St. Joseph Collage Asst. Professor and Payal Boss, Botany Honors Student 6th Semester St. Joseph College, Mr. & Mrs. Kenesa Daho 4th NAP, Mothers of Ruokuovinuo & Neiphrezo, Mrs. Vizokholie Mekro.