Nagaland tetsür team-i run 88 agi Meghalaya akok

Dimapur, Tsüklai/February 18 (TYO): Senior tetsür One Day Trophy (2019-20) nung Nagaland team-i run 88 agi Meghalaya madak takok nguogo.
Asaya nung Nagaland team-i toss akok aser mezüng bat asütsü asoshi shim. Mezüng bat asüba sülen Nagaland team-i over 50 nung asayar 7 out ser run 202 yanglu.
Parnok rongnungi Munia-i run 44 aser Ayantika-i run 37 yanglu.
Meghayala team asoshi Vandana-i wicket 2 aser D D Dutta-ia wicket 2 agia liasü.
Run arishiba mapang Meghalya team-i over 43.1 nung asayar ajak out ser run 114 yanglua asaya makok. Parnok rongnungi Vandana-i run 32 aser Tiew-i run 29 yanglua liasü.
Nagaland team bowler tem rongnungi Trishna-i wicket 3, Nazma-i 3 aser Sariba-i wicket 2 agia parnoki asaya akok.