Nagaland U23 inter district cricket asayamung osang

Dimapur, Rongchii 13 (TYO): Nagaland Inter District Under 23 cricket asayamung tasembuba anogo mezüng buba asaya Zunheboto aser Mon na asayaa liasü. Asaya nung toss akokba sülen Zunheboto puri bat asütsü shimtet aser parnoki over 20 nung wicket 7 out sür run 151 yanglutet.
Parnok rongnungi Kihika-i run 34, Shubham-i 31 aser Nihuto-i run 15 yanglu. Mon team nungi bowler tem rongnungi Dheeraj-i wicket 2 agi.
Asaya tanabuba shilem nung Mon pur batting asüba nung parnoki over 20 nung wicket 5 out sür run 133 dang yanglutet nung parnoki iba asaya makok.
Parnok rongnungi Phaknyu-i run 53 aser Dheeraj-i run 42 yanglu. Zunheboto nunger bowler tem rongnungi Shubham-i wicket 2 agi. Mezüngbuba asaya ya Zunheboto team-i run 18 agi kokogo.
Kasa anogo asaya tanabuba Dimapur aser Peren na asayaa liasü. Toss akokba sülen Dimapur puri mezüng bat asütsü shimteta parnoki over 23 nung wicket 7 out sür run 163 yanglutet. Dimapur batsman tem rongnungi Sedezhalie-i run 66, Mannarayan-i 35 aser Puchu-i run 16 yanglu. Peren team bowler tem rongnungi Om Sangma-i wicket 4 aser Raja-i wicket 2 out sütsü.
Asaya tanabuba shilem nung Peren team pur batting asüba nung parnok over 11.5 nung asayar ajak out sür run 73 dang yanglutet. Parnok team pur batsman tem rongnungi Shubham-i run 18 aser Argha-i run 11 yanglutet. Dimapur pur bowler tem rongnungi Tahmeed-i wicket 3 aser Akavi-i wicket 3 agi. Iba asaya Dimapur team-i run 40 agi kokogo.
Group A asaya nung Dimapur pur asemben asayaba nung asemben prongla kokogo aser Zunheboto pur asemben asayaba nung ana ben koka Group A nungi iba team ana ya quarter final-i iogo. Mon team pur asemben asayaba nung khen danga takok mangu aser Peren puri asaya ka kokogo.
Tanü asaya yamai alitsü:
8:00 ako: Wokha vs Mokokchung
1:00 ako: Kohima vs Tuensang.