Nagaland Under-19 teloki Arunachal akok

Nagaland aser Arunachal na tsüngda asaya metenzükdang asayartem den match officials temi asür BCCI  Tir, Jagmohan Dalmia nem  minute ana süngjema mokremer  akhümtsübu agütsüba noksa nung angur.

Dimapur, November 15 (TYO): Tang tasayadak Inter State (Under 19) one day- tri series asayamung nung Nagaland Under -19 teloki NCA stadium, Sovima nung runs 31 agi Arunachal Pradesh kokogo.
Nagaland asayartemi toss akokba sülen mezüng batting asütsü shim aser over 31 nung runs 97 yanglur ajak out asü. Batting asüba mapang Nagaland nungi Sedezhalie Rupreo-i runs 16, Aneizo-i runs 14 aser Nagaho-i runs 34 yangluteta liasü. Arunachal bowler Imran-i wicket 3 aser Kamal-i wicket 2 agia liasü.
Iba sülen Arunachal telok batting asüba mapang parnoki over 24.3 nung runs 66 ang yangluteter ajak out asü. Parnok bat asüdang Bipi-i runs 14 aser Ashok runs 11 yanglutet.
Nagaland nungi bowler M Raza-i wicket 6 aser Sedezalie-i wicket 3 agia liasü.
Iba asayamung ya King Bird Sports Co, Delhi-i nungita ayongba lir. Asayamung nung Arunachal Cricket Association, Shillong Cricket Association aser Nagaland Cricket Association temi shilem agidar.
Ano November 16 nü Arunachal Pradesh aser Shillong na tsüngda asayatsü sentong lir.