Nagaland United SC-i Ungma nung U-23 football trails ayongzüktsü

Dimapur, Mongputeni/Oct. 09 (TYO): Nagaland United Sports Club (NUSC) ajanga October 21, 2026 nü Renpo Lu Astro Turf, Ungma nung Under-23 atema football trials agitsü sangdongogo.

Iba trials ya club-i Nagaland tesem balala nungi football asayatsü sempet alirtem jangjateta anitettsü aser maongka agütsütsü asoshi tanen makai inyakba nung shilem ka lir. Iba inyakyim ya ajanga Nagaland United SC-i asayartem terenlok lenmang tashi itshia football asayar akumtsü jangraba lanur nem pei sempet sayutsü atema maongka agütsütsü nükjidong lir.

Iba trials ya Naga nunger lisopur arishi küm 23 tekübok alirtem asoshi lir aser shilem agir ajunga Centralised Registration System (CRS) registration tejangja alitsüla.

Iba trials nung shilem agitsü asoshi registration ya angati alitsü aser October 15, 2026 tashinung club indang website www.nagalandunited.com ajanga register asütsüla. Iba trials dak sendakba nung osang tali tejangjaba metetner temi mobile number + 91 7085333972 ajanga tongteprateptsü akok, ta NUSC sangdong ajanga ashi.