Nagaland Zoological Park-i Viyito yimer dang pelar

Dimapur, July 12 (TYO) : Kija, telok aser yimtsüngtemi mapang shia Nagaland Zoological Park, Dimapur nem arem shiruru aser ozütem tenla agütsür, ta Nagaland Zoological Park, Dimapur Director, Sentichuba Aier-i sangdong ka nung metetdaktsü.
Kanga dang mulungsoa agüjaka shirurutem ayutsüba aser mesüba nung timtem ajurur. Item khuret lia, Niuland Subdivision kübok Viyito yimtsüngi July 9 & 12, 2016 anogotem nung süngjanglijang aika bener arua agütsü, ta Sentichuba-isa sangdong nung shia lir.
Viyito yimtsüng nungi Atovi Yepthomi (tesayur) lenisüba kübok polong, teti aser tanga süngjanglijangtem truck gari sünga bener arua agütsü aser iba ya Nagaland senso ajak asoshi tatishitsü tajung ka lir.
NZP Sentichuba Aier, Obed Bohovi Swu(ACF) aser Nagaland Zoological Park nung inyakertem ajaki Viyito yimertem dang kanga pelaba metetdaktsür, ta sangdong nungsa ashi.