Nagaland Zoological Park nung Wildlife Week 2016 amunger

Dimapur, October 3 (TYO): Nagaland Zoological Park, Rangapahar nung “Wildlife Saviours” ta ser Wildlife Week 2016 amungtsü.
Wildlife Community kümzüka ayutsü atema yaritepba Donors, Animal Adopters aser Rescuers dang pelar ta sayua iba sentong ayongzüker, ta Nagaland Zoological Park Director, Sentichuba Aier-i sangdong ka nung metetdaktsü.
Yaküm Animal Adoption Program tenzükba sülen nungi nisung aikati teyari aika nguogo aser maneni kija den telok balalai onok den yaritepdar, ta Nagaland Zoological Park Director-isa ashi.
Arem shirurutem kümzüka ayutsü atema yariteper ajak dang Nagaland Zoological Park, Rangapahar Management aser Staff-i pelaba lemsateper, ta paisa shisem.
Taküm Wildlife Week Celebration nung shilem ka ama, October 4, 2016 nü NZP nung Free Entry alitsü. Anungji nisung ajaki zoo semdangtsü jaoker, ta sangdong nungsa metetdaktsü.