Nagarjan apu nung gari senzütsü melar

Dimapur, Mongputeni (October) 17 (TYO): PWD (R&B) ajanga Nagarjan apu anasa gari lenmang yanglushiba ajanga ‘single lane traffic’ senzütsü temelaba agütsür, ta Dimapur Deputy Commissioner-i metetdaktsü.
Tsünglanglen agüja aliba telatetba kübok Nagarjan apu nung garitem senzütsü temelaba agütsür, ta Deputy Commissioner-isa ashi.
1. Executive Engineer, PWD, R&B, Dimapur-i anogoshia apu reprangshimtsü.
2. Mapang telatet makai traffic ketdangsütsü atema traffic police mapa lemzüktsütsü.