Nagarjan power sub-station Dimapur tajungba kümogo

Power Advisor H. Tovihoto Ayemi-i Nagarjan power sub-station Dimapur tajungba küma yanglushiba lapoktsüba noksa nung angur.  (Dimapur, Dec. 09, 2020)

Dimapur, December 9 (TYO): Bodbarnü Power Advisor H. Tovihoto Ayemi-i Nagarjan power sub-station Dimapur tajungba küma yanglushiba lapoktsüogo.
Iba sub-station ya 2×100 MVA aliba nungi 132/66/33 KV kümogo.
“Nagarjan power sub-station 2×100 MVA akümba ya department-i mapa tajung inyakba lir aser iba ajanga Dimapur aser temeket district tem kanga ajangzüktsü,” ta Tovihoto-i ashi.
State sorkari state nung terenlok mapa balala inyakba ajanga lokti aser rongsenkettsüng renlokdaktsünür, ta paisa ashi.
“Nisung ajaki bendanga agüja inyakba mapang ka lir kechiyong ibaji ajanga dang asen loktiliba renloktsü aser tarutsü putu atema alima yanglutsütsü” ta paisa shisem.
Nübortemi power department den amalitepa yariteptsüla aser mapang shitak nung electricity bills agütsütsüla, ta Advisor Tovihoto-isa ayongzük.
Iba sentong nung Principal Secretary (Power), Er. K.D. Vizo-ia o jembidang state nung power generation kanga ajemba agi tanga state tem dang nungi alia atsüker ta ashi.
Nagaland nung mapang shia power supply nung timtem ajurur kechiyong eastern region nung aliba hydro power generation units nung power shitak mangur ta Er. K.D. Vizo-isa ashi.
Paisa nübortem dang power kanga aanga amshitsü mepishi.
“Nagaland nung power atsükba 50% shi ka Dimapur district kija nung lir. Anungji Dimapur aser tanga tesemtem nung power supply shitak agütsütsü atema department-i power auya atsükertem mita aoba nung nübortemi yariteptsü mepishir” ta paisa metetdaktsü.