Nagmati atuba tesem nung 9 asü:Philippines

Manila, July 17 (Agencies): Philippines, Antique province nung nagmati atuba tesem nung Hokolbar nü nisung 9 asü, ta ketdangsertemi ashi.

Energy department-i ashiba agi, mezüng bushisüngdang ajangabo iba lendong ya north Panian len nagmati atuba tesem nung anepdang 3:30 ako meta atalok, ta Xinhua news agency ajanga metetdaktsü.

Regional Office of Civil Defence nung director, Rosario Cabrera-i ashiba agi iba nagmati atuba tesemji tesadang kabo anentsü agi anenbangogo.

Lai ashiba agi, iba anentsü aluba mapang nagmati atudak inyaker ajak agi parnok 13 liasü saka par pezübo jentet aser par tuku yangji anenbanga asü.