Nai aria bilemtsür ma?

Saka pai telok angudang, parnok asoshi pai aria bilem, kechiaser san tannüker maliba ama parnok timtema aser prokshia liasü. Mathi 9:36
Na kanga mazüngi lir asü? Nisung aikati iba telangzübaji masü ta ashitsü kanga tasak tanü putu nung asütsü. Asen takümji teinyaktsü agi sünger, taotsü aika, nisungtem den ajuruteptsü aika. Itemji taküm asoshi tenokdangtsü amai kanga khuret süa kümdaktsür.
Asenok ta nükjidong tejangja yur Tsüngremi yanglu. Alima anepalutsü aser kati ka anepalua alitsü asoshi yanglu. Saka temeneni itemji meinyakdaktsütsü asoshi nokdangtsü meranger.
Yisui nübur rongnung jaja, parnokji taküm khuret agi neneter liasü, parnoki teyari, anisüngzük, aser aria bilemtsüba kanga nüngdaka liasü. Yisu-i parnok asoshi aria bilemtsü.
Nüburtem nüngdakba nem Yisui temulung agüja Sannüker tajung amai pai nüburtem anepalu, taneptsü agütsü, osangtajung sayutsüngi, pa temeim parnok den lemsatep. Pa sülen anitakertem, asenokia nüngdakbapurtem yaritsü pai sayur. Ano Pa tekümtet osangtajung sangdonga Tsüngrem mapa inyaker adokdakjang ta sarasademtsü Pai asenok dang ashir. Pai aginüba ama naia inyakdar ma?
Sarasadem
Kibuba! Aiben ni anibelema akümer. Nai ni süngzükdakjama. Nai inyakba ama nia inyaktsü Nai ni tashi itshidakjangma. Amen.