Nai HP Laptop alia sangküm sen agütsütsü akok

New Delhi, November 13 (Agencies): Tawa sorkari Rs 500 aser Rs 1,000 note anentsüba sülen nüburtemi timtem ajangshiba ajema akümtsü nükjidong nung HP India-i, parnoki yangluba notebook alirtemi anogo 50 nü sen magütsütsü maongka ka agütsüogo.
Special zero-interest EMI scheme kübok iba ya angutsü aser HP laptops alidang down payment menüngdaktsü, ta company-i sangdong ka ajanga metetdaktsü.
2016 küm sayaba notebook mashi ka customer-i alitsü akok aser EMIs payment ji sangküm January ita nungiang tenzüktsü.
Personal Systems, HP India Director, Ketan Patel-i, “HP notebooks alitsü atema onoki customer tem nem timtem majangshidaktsüner aser timtem majangshii HP notebook kadaktsüner,” ta ashi.
Iba scheme kübok HP notebooks jenjangji Rs 23,190 nungi tenzüker aser ibaji linük tesem ajaklen HP stores 1,100 nung angutsü.
Iba scheme ya November 30, 2016 nü tashi lapoktsür.