Nai komala tola asemer ?

“Anungji Tsüngrem meyong shimtetba ama aser temeimba, aria bilemba temulung yimlibilem, tila akümba, ajemaluba, talangka aremzükba item sübuang.”

Ocet tila ka nung züngshibaji Liverpool club-pur jersey kechiba tang ya kanga sabua asemer ta asü nung parnok goal keeper, Alisson Becker-i asemba agi ta langzüba ka zülua angu. Tolaji masü saka shibai asemer iba jagi tola jenjangji kadaktsür. Iba ocet züngshidang laishiba nunga sübutsü indang shia aliba bilemteter. Paul-i Kolosi nunger dang temeimba, aria bilemba temulung yimlibilem, tila akümba, ajemaluba, talangka aremzükba item sübuang ta shia lir. Tamanger ka tanela tolaji item ayakji lir; kechiaser Yisuia ibaji sübu aser jenti pa sülen anidak. Mamanger puatsübaji asen dak itemji sübua lira tangari aseni asemba jaklaji nükshia akümtsü. Kibubai asenok nem tenyaba mapa nungloktsübaji asen taküm libaliro, yimyakoya, aser asen jembishinü agi Yisu tobur ajungji sayutsü nungloktsü. Asenok Yisu nütsüngtem aliba yimya agi yangpanga sübuba agi samaba tanela anir marutettsü, saka ajemaluba, tila akümba, aremzükba itemji sübuba agi Yisu tali meteta kümdaktsütsü. Na-a kechi koma tola süma lir?

Sarasadem :
Temeim Yisu, ne yimya agi ni sübua alitsü teti ni yariangma, kechiyong karibosa ni reprangdar. Anungji Ne tobur ajung angutsü, ni ajemaluba sübutsü sübudi. Amen