Nai shidakji metettsü akok

Tsüngrem chir tenüng nung amangba nenok teti tatem maka taküm kar aji nenoki metettsü asoshi nenok dangi ni item ya züluogo. 1 Yohan 5:13
Tanü tesayur aikati Khristan kati tekümtetji samatsü akok ta sayur. Iba tesayuba ajanga, kenübo parnoki teti takümji angutsü ta karibo yimlar. Küm kar parnoki tenla kidangi arudanger alitsü akok. Parnoki Yisu tenüng nung sarasadem sür alitsü akok. Tila tanur asüdang parnok baptir alitsü akok. Item tatalokbatemji tongtipang lir, saka parnoki shinga mekümzük. Parnoki kar taküm melenshiba tatishitsü dang sayur alitsü akok. Temenen nangzükaka aser amangba aser Khrista tenzüktsü jangraba taküm aliba ajanga nübu ka kümzüker. Laishibaji kanga tejangja lir. Kodang kati Yisu Khrista shidakba pei taküm nung agizükdir aser kümzüka lidir shingaia ibaji pa/la taküm nungi rakzüktsü makok (Yohan 10:28).
Atangji na Khristan ka süra, na teti taküm kar ta yimlatsü menüngdak. Yohani tejangja ashir na teti kar ta nai marendaki metettsü. Nai Tsüngrem aser Pa O nung temulung alemtsü akok. Nai angashir alitsü akok, “Tsüngremi ashi… ni ibaji amang… iba jagi bentettsü.” Saka nai aji amanger asü masü. Yisu aso, asü, arem aser shia aru ta nai amangra nai na kümzüka lir (kümzüktsü ta masü) ta metettsü. Nai iba ochiji bener aotsü akok.
Tsüngrem, Nai tejangja kotak kü dang sayuba asoshi Ne tenüng asanger. Ni tanü temsüa jajadakjang.