Naiba Konyak-i ‘Hornbill Bamboo carnival’ lapoktsüogo

Dimapur, December 4 (TYO) : Hokolbarnü Nagaland Bamboo Resource Centre, 6th mile Sovima nung anogo asemnü Hornbill Bamboo carnival tenzükogo.
“Bamboo, Art, Food & Music” omen nung ajemdaker ayongzükba sentongji tanü NBDA & NEPED Advisor, Naiba Konyak-i lapoktsü.
Aou ya putu aika amshia arur aser tang Nagaland nung state sorkari Nagaland Bamboo Development Agency (NBDA) ajanga aou ajungkettsü meranger. Aou ajungketba maparen nung lokti maneni yaritsü ayongzüker, ta tanü Naiba-i o jembidang ashi.
Tanü agiba sentong nungsa asür Norman Putsure (IAS) nüngtem nung yangluba nüngshilung ka aser NBDA tenteter küm 10 abensaba indang nüngo sayatsü. Asür Norman ya Nagaland Bamboo Development Agency nung taoba Team Leader liasü.
Sentong nung T Imkonglemba Ao, (IAS) APC & Mission Director-i o jembidang ashiba agi, aou agi yangluba osettem yokdoktsü atema shishilembadak tajung lir anungji bamboo entrepreneurs-i technology amshia tajungba nung inyaktsüla.
Anogo asemnü sentong nung food courts, live music concert, bamboo handicrafts, aser decorative items shilemtem alitsü.
Iba sentong nung Mizoram, Arunachal Pradesh, Manipur aser Assam nungi nisungtem arua shilem agidar.