Nakul Saha tepseter adianu 2 puogo

Agartala, August 23 (Agencies): Tripura kübok Navin Tilla nung Nakul Saha tepsetba sülen anogo ishika lir police-i Saha tepset ta tai tonglokja aliba adianu ana puogo.
Adianu anaji Ratan Das aser Sunil (Sanjib Das) na lir aser tena tesem balala nung apu.
Ratan ji Dimatali nung aser Sunil ji IGM hospital kishi nung apu. Deobar aonung raradang Sunil tekolak yiru aser pa ibaji anepalutsü atema mozü kidangi aodang police-i pa apu.
Deobar aonung Navin Tilla nung adianu ana yagi Saha tepset aser par kinunger trok tashi yirutsü.
Iba dak sendakba nung police sub-inspector (SI) ka “neglect of duty” ta ser mapa nungi anentsüogo.
Sub-Inspector (SI) Maman Ulla Kaji-i Deobar aonungji tai tonglokja alirtemji apu saka tim masüba inyakyim amshia chiok.