Nana Patekar aser culture minister nati 18buba Bharat Rang Mahotsav sentong lapoktsütsü

New Delhi, January 31, 2016: Hombarnü New Delhi Kamani Auditorium nung actor Nana Patekar aser Minister of State for Culture & Tourism Mahesh Sharma nati 18buba Bharat Rang Mahotsav theatre benjung lapoktsütsü.
Iba sentong nung Manipur Chorus Repertory Theatre ajanga “Macbeth” jilushi aitsü. Iba otsü ya Ratan Thiyam-i direct asüba lir.
Iba International benjung nung alima nung jilushi tajungtem aiba angutsü aser item jilushi ya akhidang dang nungi tajungba kümogo.
Iba sentong tulu ya February 1 nungi 21 nü tashi akatsü.
Bharat Rang Mahotsav nung linük 10 dak temai shilem agia arur, aser item rongnung USA, Australia, Italy, Sri Lanka, Poland, Bangladesh, Spain, China, Pakistan aser Austria linüktem-a lir.
India linük tesem aika nung theatre ajungkettsü atema Bharat Rang Mahotsav sentong ya Jammu, Ahmedabad, Thiruvananthapuram aser Bhubaneswar state tem nunga akatsü.
Iba sentong ya New Delhi nung aliba Abhimanch & Open Air Theatre, National School of Drama (NSD), Little Theatre Group Auditorium, Kamani Auditorium aser Shri Ram Centre tem nung akatsü.