Nana Patekar nem ‘Godavari Gaurav’ sempet agütsütsü

Mumbai, February 7 (Agencies) : India nunger actor Nana Patekar nem ‘Godavari Gaurav’ award agütsütsü.
Iba sempet ya ‘Kusumagraj Prathishthan’ telok ajanga agütsür aser parnokisa tsüngsanger Kanak Rele, Chetana Sinha, Dr Shashi Kumar Chitre, Dr Balkrishna Joshi aser endurance cyclists Hitendra o Mahendra Mahajan nunger nema sempet agütsütsü.
March 10, 2016 nü sempettemji Marathi kaketzülur Madhu Mangesh Karnik-i agütsütsü aser takoker shia nem Rs 21,000 den nüngo ka ka agütsütsü.
March 10 ya nüngtugu sangro mejemer aser kaketzülur V V Shirwadkar tasoba anogo lir aser pa dang ‘Kusumagraj’ ta-a ajar.
Sinha-i tzü manguba tesemtem nung mapa inyak aser tetsür co-operative bank ka lapok, Doshi ji nüngtugu architect ka lir aser Chitre ji mathematician & astrophysicist ka lir.