Nandamuri Balakrishna-i pa sapur ka dak ama

August 18, 2017 (Agencies): Tollywood superstar aser TDP MLA Nandamuri Balakrishna-i pa sapurtemi pa nem narozük azüktsüa selfi agitsü merangba mapang nung pai pa sapur ka dak maoktsü. Balakrishna ya Nandyal nung August 23 nü by-poll agitsü aliba atema nübuyimba sentong ka nung shilem agia liasü. Iba tatalokba ya pa hotel atongba sülen pa sapurtem jenti pa ajurutsü aruba mapang ka nung atalok.
Taoba ita ishika tsüngda nung Balakrishna yimya tamajung benshiba atema osang balala nung kanga nüngtugusüa adokdar. Taküm küm tetenzüklen Tirumala temple semdangba mapang nung pa sapur kati pa den selfi agitsü merangba mapang ka nung pai pa dak maoktsü. Maneni taoba ita director KS Ravi Kumar den pa film tasenba yangluba tesem nung pai pa indang assistant dak maoktsü aser pa tsüngsem semzüktsütsü asoshi ashiba nguogo.
Balakrishna-i tawa Puri Jagannadh’s Paisa Vasool film yanglu tembangogo aser KS Ravi Kumar indang film nung shilem agi tenzükogo. Iba film ya tang tashi nung nüngja ka agüja mali.
Maneni Balakrishna, Krishna Vamsi den longjemer Rythu nung shilem agitsü asoshi imlar koba nung Amitabh Bachchan-i dena tongti shilem ka agitsü imlar.