Napranotsu-i 33 buba National Sub-Junior Teakwondo gold agizükogo

Kohima, September 09 (TYO): Nagaland Teakwondo asayar, Neikhozo Napranotsu-i tang Hyderabad nung tasayadak 33 buba National Sub-Junior Taekwondo Championships gold medal ka tan Hombar nü agizükogo.
Napranotsu-i temang touzük seret 27 shilem indang final asaya nung takok ngua gold-ji agizük.
Külem telok asayar, Tenloi Phom-ia temang touzük seret 21 ser tekübok shilem indang silver agizükba osang jangjaogo.
Team Manager, Theja Keretsu aser Team Coach, Visabeiu Peseyie nati aniba Nagaland Taekwondo Association (NTA) teloki tan Brehostibar nü Hyderabad toktsütsü aser Nagaland tan Deobar nü tonga arutsü.