Narang Asia tarensen nung No. 1 akümer

New Delhi, September 05 (Agencies): India nunger prangpong toktepa kashishir, Gagan Narang-i Asia nung alir tebur 50m rifle prone shooting shilem tarensen nung temaba jenjang nguogo.
Arishi küm 32 tain Narang-i points 971 ngua No. 1 aküm aser pa sülen anidaka, China nunger Shengbo Zhao-i points 896 ngua tanabuba jenjang nung lir.
Tebur 10m air rifle tarensen nunga Narang-i 7 buba jenjang anguba osang jangjaogo.
Korea nunger Jongoh Jin sülen anidaka, India nunger Jitu Rai-ia points 1929 ngua tebur 50m pistol tarensen nung 2 buba jenjang ngua lir.