Narendra Modi-i M Karunanidhi den ajurutep

Chennai, November 6 (Agencies): Prime Minister Narendra Modi-i tanü Chennai semdangdang DMK president M Karunanidhi den ajurutep aser pa temang indang osang metetpela.
Modi-i arishi küm 93 tain Karunanidhi den ajurutepdang “Vanakkam, Sir” ta ashi.
Iba mapang Union Minister tem- Nirmala Sitharaman aser Pon Radhakrishnan nati Modi meina liasü aser Modi-i Karunanidhi den minute 10 shi sensaksema liasü.
Tamil osangkaket Dina Thanthi küm 75 buba ajungba benjungmung nung adentsü atema Modi-i Chennai semdang.
Karunanidhi’er jabaso MK Stalin-i Modi pelaa agziük aser iba mapang Karunanidhi’er jala Kanimozhi, Karunanidhi kinungtsü Rajathi aser DMK General Secretary Durai Murugan nungertem liasü.
Modi-i Karunanidhi dang Delhi nung par kidang anisüngzüktsü atema jaok aser idangji Karunanidhi-i menürema agizük, ta Tamil Nadu BJP President Tamilisai Soundarajan-i osangbener dang ashi.
Iba ya yimya ka asüba atema semdangba lir, ta DMK otongdar TKS Elangovan-ia metetdaktsü.
Karunanidhi ya küm ka shi yimten mapa nungi pilar liyonga arur. Pa temang manemi akümba agi kidang dang lir.
Stalin-i Centre sorkar aitsüba mapang ka nung Modi-i Karunanidhi den ajuruteper asütsü.
Centre-i Tamil Nadu nung proxy sorkar ka ketdangsüa inyaker aser Modi-i aniba BJP sorkari 2014 Lok Sabha election nung nangzübatem mapa küma meiyaker, ta Stalin-i shiyonga arur.