Naresh Kumar-i AP Chief Secretary inyaker

Itanagar, August 14 (Agencies): Mongulbarnü Naresh Kumar-i Arunachal Pradesh indang Chief Secretary inyaktsü tenzükogo.
Naresh Kumar-i mapa agizükba sülen Raj Bhavan, Itanagar nung Arunachal Pradesh Governor Brig (Retd) BD Mishra den ajurutep aser state dak sendakba onük aika lemsatep.
Kumar ya 1987-batch IAS ketdangser ka lir aser Satya Gopal nungi Chief Secretary mapa melenzüker.
1988-batch IAS ketdangser Gopal ya Delhi-i mapa belenogo.
Governor Brig (Retd) BD Mishra-i Kumar pelaa agizük aser state nung alirtemi pa dak nungi aika imlar ta asüba osang metetdaktsü.
Governor-i Arunachal Pradesh nung district ajunga sema senzüogo aser pai Chief Secretary tasen dang tang inyaktsü nüngdakba onük kar metetdaktsü.
State nung jila nungi meta talang pilar aliba tesemtem nung health aser education atema tebilemtsü abenba lemsatep.
Naresh Kumar-isa Chief Minister Pema Khandu den ajurutep aser idangji Khandu-i Chief Secretary pelaa agizük.
Kuamr-i Arunachal Pradesh nung Chief Secretary meinyakdang pa New Delhi Municipal Council nung chairman inyaka liasü.
Taoba mapang paisa Arunachal Pradesh kübok Naharlagun nung Additional Deputy Commissioner aser Lower Subansiri district nung Deputy Commissioner mapatem inyakogo.