Nargis Fakhri-i la temang shitak dang yunür

New Delhi, November 6 (Agencies) : Actress Nargis Fakhri-i la temang tiptema ayutsü atema kanga meranger aser lai ashiba agi film nung la temang tulu ama shilem agitsüsa ajuru nunga la temang mechizükdaktsütsü.
“Temang chizükdaktsübaji tetsür atema masü saka tebur asoshi lir. Ni kü temang shitak dang yunür, saka movie nung shilem agitsü atema temang yiradaktsütsü mesüra iladaktsütsü atema ni memulunger. Ni ibaji meinyaktsü” ta New Delhi nung Reebok indang store ka lapokdang Nargis-i ashi.
Nargis-i tang film ka nung Azharuddin kinungtsü Sangeeta Bijlani ama shilem tagidak lir.
“Rockstar” nung nüngtugu actress Nargis-i “Madras Cafe”, “Phata Poster Nikhla Hero” aser Hollywood film “Spy” nung shilem agiogo aser tang lai taoba cricket asayar Mohammad Azharuddin indang otsü nung ajemdaker yangluba “Azhar” film nung shilem tagidak.