Naseeruddin Shah-i saya ka nung tongti shilem agitsü

Karachi, July 06 (Agencies): India nunger actor mongin, Naseeruddin Shah-i taküm November ita Lahore semdangdang idakji tentetba Alhamra Art Centre, The Mall nung sayutsü renemba saya ka nung tongti shilem agitsü.

Lahore yimti nung anogo 3 agia Faiz Ahmed Faiz Festival agitsü sentong renema lir aser arishi küm 65 tain Shah-i kasa sentong nung tongti shilem agitsü renemogo,” ta Faiz Foundation Trust ketdangser, Moneeza Hashmi-i metetdaktsü.

Laisa ashiba agi, Shah-i tongti shilem agiba sayaji iba benjungmong nung pezüben tashi sayutsü renema lir.

Kasa benjungmong nung tetoktepba sangro züngteptsü sentonga ayonga lir aser iba tetoktepba nung Pakistan aser India naprongla nungi nungtugu sangro mejemertemi shilem agitsü renemogo.