Nashi kümzükertemi tepsetba kibongtem nem state temi teyari agüjang: SC

New Delhi, September 22 (Agencies): Hokolbarnü Supreme Court (SC)-i state ajak dang linük nung nashi kümzükertemi rara adokdaktsüba osang renemer agüjang, aser item tatalokbatem nung asürtem nem senotsü teyari agüjang, ta tuyuogo.
Chief Justice of India (CJI)-i Dipak Misra, Justice AM Khanwilkar aser DY Chandrachud nungeri akumba Supreme court bench-i, state temi nashi kümzükba dak sendakba nung takoksa angur ajak nem teyari agütsütsüla, ta oshidang agütsü.
Gujarat, Rajasthan, Jharkhand, Karnataka aser Uttar Pradesh state temibo iba dak sendakba osang SC nem agütsüogo, saka ano state aikati iba osang agüja mali.
Iba dak sendakba nung tanü SC-i tanüngba state tem danga iba osang tekaratiba nung agütsütsü tetuyuba agütsü.
SC-i maneni iba onük ya October 31, 2017 nü angadangtsü.
Nisung ka tenüng agi, Sehzad Poonawalla-i temepishiba onük ka agütsüba ken o angadangba sülen SC-i iba tetuyuba ya agütsür.