Nashi nokdangba onük nung Tripura CM-i Kerala CM pusemer

Thiruvananthapuram (Kerala), June 11 (Agencies): Centre sorkari shiruru market nung nashi ayokba mesüra aliba tenokdangba metetdaktsüba onük nung Tripura Chief Minister, Manik Sarkar-i Kerala Chief Minister, Pinarayi Vijayan pusema shidi ka zülu.
Kerala Chief Minister Pinarayi Vijayan-i shidi ajanga tanga state tem dang, Centre tetuyuba anema nokdangdaktsüner, kechiyong iba tetuyuba yagi federal inyakyim alema inyaker, ta lemsatepa liasü.
Iba shidiji langzüa Tripura Chief Minister, Sarkar-i Centre tetuyuba anemer chief minister tem senden nung pa adentsü ta metetdaktsüogo, ta tanü Kerala CM’s office ajanga metetdaktsü.
State aikati Centre sorkar tetuyuba anema nokdaker aser iba onük atema tebilemtsü akar, ta Tripura Chief Minster-i shiogo.
Sarkar-isa, Centre sorkari democray lima nung mepetba inyakba aser federal inyakyim anemba anema senden ka nüngdaker. Telemtetba ka agitsü atema chief minister tem senden ayongzüktsü atema inyakbaji junga shisatetogo,” ta metetdaktsü.