Nashi shi onük nung J&K HC-i obendanger bench ka tentetogo

Srinagar, October 10 (Agencies): Honibar nü Jammu & Kashmir High Court-i obendanger asemi akümba bench ka tentetogo, aser iba bench jagi October 16 nü state nung nü nashi shi nokdangtsü atema benokba bill angadangtsü.
State nung nashi shi nokdangtsü onük nung Jammu nung aliba High court Division bench aser Srinagar nung aliba High court division bench na tsüngda tangatetba balala asübayong October 5, 2015 nü Supreme Court-i J&K High Court Chief Justice dang iba onük bentettsü atema obendanger asemi akümba bench ka tentettsüla ta tuyua liasü.
Iba bench nung Justice Muzaffar Hussain Attar, Justice Ali Muhammad Magrey aser Justice Tashi Rabstan nunger lir.
September 9 nü Jammu nung aliba high court division bench-i tang aliba ozüngtem (J&K Ranbir Penal Code sections 298 A-D tashi) benoktsü tuyua liasü.
Nashi shi onük nung Srinagar aser Jammu na nung aliba division bench tangatetba balala asübayong state sorkari iba onük ya Supreme Court nung benoka liasü.