Nashi shibelenertemi amaksang BSF commandant süogo

Agartala, October 20 (Agencies): October 16, 2017 nü Tripura arrtsülen ozüng alema nashi shibelenertemi amakba Border Security Force (BSF) Commandant süogo.
Commandant Deepak Mondal ji BSF 145 Bn nungi liasü aser pai arrtsü anasa aliba PS Sonamura semdangba mapang lendongji ajuru.
Iba tesem nung Commandant Mondal-i ozüng alema nashi shibelenertem den denjitep aser idangji pai parnok nokdangtsü merang, saka meyiper parnoki pa dak lungrü aser süng agi kanga mejungi azük.
Lendong atalokba sülen pa tayimtsü ajanga Kolkata nung anepalutsü atema anir ao aser idakji pa anepalua aruba sülen tanü asü.