Nashi ya ‘Linük Tetsü’ ta sangdongtsüla: SS MP

New Delhi, Dec. 22 (Agencies): Hombar nü BJP MP kati Bhagwad Gita (Hindu nunger temeshi kaket) ya ‘Linük Kaket’ ta sangdongtsüla ta akhangba sülen Mongolbar nü-a Lok Sabha nung Shiv Sena (SS) züngsem, Chandrakant Khaire-i, nashi ya ‘Linük Tetsü’ ta sangdongtsüla, kechiyong nashi nungi nisungtemi mamatzü aser natzü angur aser nashi-scü ji jenjang kanga tasak, ta ashi.

Lok Sabha Zero Hour mapang Khaire-i, nashi ya “Rashtra Mata” ta sangdongtsüla, kechiyong nashi mamatzü, natzü aser nashi-scü ajanga meimchirtem tajangzük angur, ta ashi.

Yashi BJP MP, Adityanath-i, Jihad kiralongraba atema alima linüktem tebilemtsü akaba mapang ka nung Bhagwad Gita tesayubatem ya kanga tapet, anungji iba ya ‘Linük Kaket’ ta sangdongtsüla, ta ashi.