Nathan Lyon-i wicket 4 agi

New Delhi, March 26 (Agencies): Deobarnü Australia nunger offspinner Nathan Lyon-i India aser Australia na tsüngda Test asaya pezübuba asaya anogo anabuba nung wicket 4 agia India nunger anogo tatemi 248/6 nung toktsüogo. Iba asaya Dharamsala HPCA Stadium nung tasayadak lir.
Lyon-i tanabuba test Bangalore nung asayadang wicket 8 agia liasü aser Ranchi nung tasembuba test asaya nung wicket 1 agia liasü. Pai India nunger asayar Cheteshwar Pujara, Karun Nair, Ajinkya Rahane aser Ravichandran Ashwin nunger wicket agia liasü, koba ajanga Australia nunger iba asaya nung India nunger dang nungi tera agi jenjang tajungba nung toktsüogo, saka Wriddhiman Saha aser Ravindra Jadeja na out mesüi aliba ajanga India nunger asoshi teimla mesamai lir.
Tang tashi nung asaya osang yamai alitsü: India 248/6 (Rahul 60, Pujara 57; Lyon 4/67). Australia 300 all out. Anogo ana tatem nung Australia nunger run 52 agi tejaklen lir.