National Award angusang, Muthukumar alima nungi pilaogo

Chennai, August 14 (Agencies): National Award angusang kenzülur, Na Muthukumar tanep Chennai nung jaundice ajanga süogo. Pa arishi küm 41 liasü.
“Pa par kidang lia asü. Pa temang kanga metaa shirangba aser jaundice tashidak ajanga asü,” ta osang ka ajanga ashi.
Tamasabo pai pa director kümnüa liasü. 2000 küm sayaba Tamil film ‘Veera Nadai’ nungi mezüng ajema Muthukumar ya kenzülur ka akum.
Tesüiba küm 10 tsüngda pai ken 1,000 shi züluogo. Item rongnung 2012 küm kija nung pai ken 103 zülua liasü.
Pai ken mejemer Yuvan Shankar Raja aser G.V Prakash na dena atongsem inyakogo aser pai tena atema ken 200 dak tema züluja liasü.
Prakash-i twitter ajanga, “Ya mamangteter. Na Muthukumar joko alima nung mali. Kü film tem nung pai ken 200 dak tema züluogo. Kanga takoksa tulu. Tsüngremi par kibong nem tashi agüjangma,” ta ashi.
Muthukumar indang ken Aanandha Yazhai Meetugiraai (Thanga Meengal film) aser Azhage Azhage (Saivam film) ajanga pai National Awards ngua liasü.
Pai indang nüngtugu kentem rongnung Suttum Vizhi, Devathaiyai Kandaen, Mun Andhi aser Venillave densema lir.