National Handloom anogo August 7 nü amungtsü

Küm shia August 7 nü ‘National Handloom’ anogo asütsü ta Union Textiles Minister Santosh Kumar Gangwar-i Tatar senden anaprongla nung July 31, 2015 nü metetdaktsüogo. Iba anogoji südakertem atema linük nung jenjang temabai ajungkettsü atema taküm 2015 nungi tenzüka küm shia linük ajunga nung amungtsü lemtetogo aser ano tanga linük den südakba tsütsü menepa shishilembadaktsütsü nükjidong nung mungyonga aotsü ta paisa metetdaktsüogo.
Iba anogo (August 7) ya “Swadeshi Movement” tenzükba temaitsü koba August 7, 1905 küm Calcutta Town hall nung British nungeri yangluba osetsüset mamshitsü/mayoktsü aser pei nisungtemi yanglutetba aser züsentetbatem ajungketdaktsütsü mechi nung nokdangba anogo lir.