National Handloom Expo alitsü

Dimapur, November 16 (TYO) : Nagaland Handloom & Handicrafts Development Corporation Ltd. Dimapur-i December 2 nungi 15, 2016 tashi Boarding Field, Sivasagar, Assam nung National Handloom Expo alitsü ayongzüker.
Iba Expo ya Development Commissioner Handlooms, Ministry of Textiles, Govt. of India, New Delhi office ajanga teyari agütsü, ta Managing Director, K. Hokishe Assumi-i sangdong ka nung metetdaktsü.
Iba Expo nung shilem aginürtemi Project Cell, NHHDC Ltd., Half Nagarjan, Dimapur, dangi November 28, 2016 matongdang office mapang tezüluba agütsütsü metetdaktsür, ta Managing Director-isa ashi.
NER State nungi shilem agir nem Stall tem angati agütsüba den lumpsum teyari agütsütsü, ta paisa shisem.