National health mission kübok ASHA training agi

Dimapur, April 11 (Agencies): April 11 nungi 15, 2017 tashi IDSP hall, IMDH Mokokchung nung National Health Mission kübok module 6 & 7 Urban ASHA training tenzükogo.
Home based newborn care (HBNC) ASHAs shilem aser ASHAs teinyaktsütem, amala onük nung ajemdaker training agir.
Iba training nung tongti o jembirtemji State ASHA nodal officer Chubala, Directorate of Health & Family welfare, Kohima nung Divisional assistant Achiba aser CMO office Mokokchung nungi DPHNO Achila nunger lir.
Training tenzükba sentong nung CMO Dr S S Akaba Longchar-i o jembidang, ASHAs aser tongti o jembirtemi parnok mapang agütsüba atema pelaba lemsatepa liasü. Pai ASHA tem dang parnok khuret jangjaa angazüka lokti ajungtsü asoshi amshitsü atema ajungshi.
Maneni pai ASHA tem dang temang anema alibaren dak sendakba nung merükmeju aser temang nung teyari agütsüba chiyongtsütem achitsü yimya amala nung nüburtem nem tangazükba aser tekümdangtsü balala agütsütsü asoshi ajungshia liasü.
Chubalai okila nung training nung shilem agirtem pelaa agizükba metetdaktsü.
ASHA tem ya local tetsürtem, shirnok par lokti nung temang anepalutsübaren nung tesayuba agütsütsü asoshi training agir alirtem lir.