National Highway anasa ali atsünga agiba & mineral water bottling indang khuret lemsatep

Dimapur, November 5 (TYO) : November ita atema Dimapur District Planning & Development Board senden November 5, 2016 nü amen.
Sendenji Taxes Department indang Training Hall nung amen aser mendenji Dimapur ADC, Elizabeth Ngully liasü.
Iba senden nung National Highway anasa Road Reservation aser PHE Minister-i benokba mineral water bottling indang onük tongtipang süa jembi.
National highway anasa nisungtemi ali rakzüka agiba ajanga tarutsü nung terenlok mapa inyaka moutettsüsa kümogo. Anungji, iba dak sendakba nung teinyaktsü kar inyaktsüla, ta Tokheho-i senden nung ashi.
Administration-i jungjunga memeteti patta magütsütsüla aser administration-i temelaba magütsüi gari lenmang nung kiojen meyangludaktsütsüla, ta paisa shisem.
Dimapur nung mineral water bottling indang onük benoka olemtepdang, Minister Tokheho-isa ashiba agi, “bottling industry aser ano nisungtemi tube well tarok yangluba ajanga tarutsü nung timtem ajurutsü.”
Iba ajanga ring wells alir aika tzü junga mangur anungji public ajangzüktsü mechi nung ali telung nung aliba tzü aangtsü atema temzüng kar lateta ayutsüla, ta paisa lemsatep aser iba onük reprangshimtsü asoshi DPDB-i luden ka tentettsü telemtetba agi.
Board-isa The Acts Institute, Lutshumi Union, Dimapur, Barefoot Welfare Society, Diphupar Village, Charis Society, Padumphukuri, Wosenro Self Help Group, Diphupar, Bethlehem Welfare Society, Aoyimti Village, Kuki Pensioners’ Society Chumukedima, Indian Academy of Pediatrics, Nagaland State Branch aser Octet School of Music, Power Point, Thahekhu Village tem registration asütsü agizüka ayu.
Senden nungsa CBSC syllabus nung ajemdaker St. Joseph’s Global School lapoktsü, CBSC board at virgin Town, Khekiho Zhimomi Road, Ikishe Model Village, Dimapur nem NOC agütsütsü aser Montessory Nursery School, Zeliangrong Village, Dimapur Up-gradation asoshi temelaba agütsü.
Tanü senden nung Dimapur District kübok Agriculture aser Horticulture department temi parnok osang metetdaktsü.