National Immunization Day 2021 atema ayongzüker

Dimapur, Aenjeti/January 28 (TYO): India nung January 2011 nungi wild polio cases mali arur aser India nung polio anema terenlok tulu aliba gua WHO ajanga 2014 küm March ita India densema south east region nem kulizüng agütsüogo.

Alima nunga nung wild polio virus ya mesama tashi bendang lima nungi India-i iba tashidak bener arutsü kanga zübar lir.

India Expert Advisory Group (IEAG) on Polio ajanga ashiba nung ajemdaker National Immunization Day ya OPV amshia tanur arishi küm 0-5 nung alir ajak awajema agitsü.

India nung aliba danga state tem den külemi Nagaland nunga Intensive Pulse Polio ya January 31, 2021 (Deobarnü) tenzüktsü.

Department of Health & Family Welfare ajanga state tesem ajungalen tila-tanur arishi

küm 0-5 nung alir ajak nem Polio agütsütsü atema renema lir. Iba atema state nung Polio Booth 2206 amenoktsü aser health ketdangsür nisung 9096 aser supervisor 441 den mozü aser danga nüngdakbatem yoktsü.

Dangalen nungi Polio cases bener aruba nokdangtsü nükjidong nung migrant population nem tali temolung agütsütsü.

Taoba mapang tashi angatepba aser amalitepba atema pelaba lemsatepba mapang Department ajanga lokti tentet ajunga, agencies tem (Government aser nongovernment,

security forces aser police), arogo aser talisa tanur arishi küm pongu tekübok aliba tsüraburtem dang January 31,  2021 nü pei tanur nem “Two Drops of Life” (Polio Drops) ya agidaktsütsü ayongzükogo.